Eifach chlei anders...

  • Ernsthaft
  • Abenteuer
  • Flirten
  • Freizeit
17. Oktober

...aus schynbar di meischte.

Hallo liebi Unbekannti

Äs fröit mi, das du mis Inserätli aaklickt hesch und wüu Ig dir dini Zyt nid wett schtäle, grad öppis vorewäg: Wenn du nach emene gross gwachsne, guet situierte Adonis mit ändlosem Säubschtbewusstsy und em tolle Outo suechsch; tja, de bini gloub nid dr Richtig - das chani leider - oder zum Glück - nid biete. Bisch du aber öpper, wo weder uf Statussymbol no d'Meinig vor Masse grosse Wärt leit, de würds mi fröie, wenn no chlei witerlisisch...

Wi scho dr Titu seit, bin Ig, so hett mir s'Läbe das emu zeigt, ebä ä chlei anders, aus dr Durchschnittsmaa wo dir uf dr Schtrass oder ir Disco begägnet. Das macht mis Läbe zwar nid eifacher, aber drfür ziemlech intressant. *smile*

Was de da so anders isch, fragsch du di jetz vermuetlech und mit Rächt; ich cha und wott zwar hie jetz nid ä kompletti Persönlechkeitsanalyse veröffentleche, aber äs paar Pünkt möchti erwähne:

- Was afe mau, sicher schpeziell und erwähnenswärt isch: I mues mi sit chly uf mit mim ADS umeschlah, drum wirds um mi ume mau sicher nie längwilig. Wär das nid so kennt, hie äs paar Stichwort drzue: Miner Schtimminge chöi vo "himmelhoch jauchzend bis zu Tode betrübt" chlei aues si, äs mues 'immer chlei öppis gah', süsch wirdi ziemlech unruhig - I cha aber eifach mau hinderelige und eifach nur gniesse.
Däm gägenüber schtöh drfür rächt grossi Gschicklechkeit, Schprachgwandtheit, guets Uffassigsvermöge und Ig lehrä geng gärn viu nöis. Ah ja, und Ig bi extrem yfüehlsam und sensitiv (HSM); soviu mau zu däm Thema...

- Im Gägesatz zu de meischte "Herren der Schöpfung" machi mir nid viu bis gar nüt us Fuessbau, Hockey oder tolle Outos. Ig diskutiere haut lieber über Philosophie, Kulturells oder ou mau Politik. I cha Macho-Gehabe und anderi "Blöffereie" nid usschtah, ha gärn Ching und Tier, choche gärn, wäsche mini Wösch am liebschte säuber und finde Arbeitsteilig sött nid gschlächterabhänhig, sondern entschprächend de Fähigkeite vo jedem schtattfinde. Oder ou: Emanzipation: JA ! "Militante Feminismus": NEI ! *grins*

- Irgenwie chani mitem hütt gültige Schönheitsideal vor Frou so gar nüt afah, mir gfauts viu besser, wenn sech Wyblechkeit in natürleche bis runde Forme manifeschtiert - aus in Modebewusstsi und Mainstream! (Hani scho gseit, i choche sehr gärn - aber nid Diät!) *grins"

- Sit äs paar Jahr tueni mi mit dr (Summer-)Hitz sehr schwär und gah ar diräkte Sunne eher chlei us Wäg - wenn du söttsch ä völlige Sunnefreak si und ersch ab 25°C nümm frürsch, de hätte mer da doch ä chlini Diskrepanz. I bi de ender dä, wo sech ufe erscht Schnee fröit, wo's liebt wi d'Luft denn schmöckt und die Rueh wo dä wyys Teppich mit sech bringt. De no gmeinsam chlei kuschele und sech gägesitig wermä isch für mi öppis vom Gröschte überhoupt.

- Ig lose und mache sehr gärn Musig und tanze fürs Läbe gärn - da meini weniger Foxtrott oder Walzer, sondern meh zu Songs us de 60-er bis 80-er. Mit mire Partnerin zäme lehrä z'schwoofe chönnti mir aber absolut ou vorschtellä... Apropos Musig: Ob Klassik am Sundi Morge, Dixie-Jazz am Aabe, Soul, Funk, R&B, Reggae und Rock zum Tanze; abgseh vo Ländler, Opere und diversem Mainstream chani mi für fasch aues begeischtere.

- Da mir mis liebe ADHS ou im konventionelle Bruefsläbe so mängs Bei hett gschteut, hani jetz eifach mini Wärchstatt zum Revidiere/Restauriere vo aute Flipperchäschte u.Ä. - faus du auso söttsch äs Flair ha für so auti, technischi Wunderwärchli, de wär das ä Grund meh, mir z'schribe.

- No sooo viu meh

Du bisch immer no am läse? Genial, i hoffe jetz natürlech, das du müglechscht viu gfunde hesch, wo dir zueseit und du dr Muet hesch, mir äs paar Zile lah zue z'cho. Weni ehrlech bi, hani eigentlech ke Ahnig, was Ig vo däm hie söu erwarte und ob me uf däm Wäg dr richtig Partner findet, bini ou nid so sicher. Mi Wunsch wär klar, ä Mönsch z'finde, wo mit mir probiert ä schpannendi und läbändegi Beziehig ufz'boue und z'pflegä - aber ou scho nume öpperen lehre z'kennä wo me cha gueti Gschpräch füehre oder öppis undernäh, wär gar nid so schlächt. Auso mäud Di doch eifach und frag mer Löcher i Buuch, wenn masch - i fröie mi uf dini Zile.

Souldiver66

Souldiver, 51, aus Bern, sucht eine Frau in Bern